Natalusan Mu Ya?!

nen nadengel nen inak ya mampapanggalatok ak, imbaga to ya balbali kuno su aksent ko. tinepet ko nu akin, tan imbaga to ya singa ak slang.

natan ya mampapanggalatok ak jad blog ko, ninununot ko nu kapigan ak nakapansaritay diretsong panggalatok.

bimaleg ak na saritak et tagalog, angga ingles ta barbaryotik iray yayak. balet nu pampapasnukan da ak, panggalatok su gamit da. ag ko nanunot nu panuk atalusan su ibabaga da ta agdamet ibabangat ed siak su panansaritay dayalekto mi. jad private skul ak labat abangatay ingles balet maong ak ya mansalita. inlaban da ak ni ed saray declamation tan recitals.say nunot ko jad bibi-e tan lala-ki ya mansasalitay panggalatok et cheap ta say antak, aramay katulong mi labat nen saman tan aramay mankekemel su mansasalitay dayalekto mi, katon ag ko inaral su pansalitay panggalatok ta edukada ak met. say agkuanta, anggano teacher kon balbalen mansalitay inggles et mansasalitay panggalatok .nen assinger ak lay manhayskul, ta bimasel ak na eskuwelaan, di man ak atutoy mansarita, balet dayset labat. say ibig kon ibaga, wala lay moments ya mansasarita ak na diretso, ta iramay kaklase et, anggano chinoy ira, mansasalita. jad unak ya eskuwelaan kasi, ipropromote day pansalitay inggles katon unman.

balet nen nanaral ak jad ilocos, ay agi!!! ira namin et anta day mansaritay iloko. ninunot ko, akin unman? singa nu kaya da, ag da mansaritay inggles u dino say tagalog. abuwisit ak ta ag ko ra natalusan, kaya isip koy pantutungtungan da ak. balet nen akatuntung ku ra, agamet ira monster. imbangat da ak niy salita da. jad apat ya taon ya wad man ak ed vigan, naantaan ko lay mansalitay ilokano anggano dayset labat. makatalos ak met katon aramay aga akakanta ya makatalos ak et manchichismisan ed arap ko katon dakel su naaantaan kon chika.

natan ya wadja ak ed manila, tagalog lay lanang ya salitak.katon gaylay tuwak nu makakaringel ak na tutuo ya mansasalitay panggalatok o di nu iloko. makapakien ta singa kabat mu ra jad panansalita labat nira. singa walay agmu nanengneng ya kuneksyon mud sikara.

anunot ko, imbaga nen hekasi teacher ko nen grade 6 ya grabe kuno su panagvalue ng iramay ilokano ed lahi da ta gabagabay dan mansaritay iloko, balet su pangansinense, saray walad barbaryo labat iramay makapansalita na diretsong panggalatok. twa met ya unman, ta iraramay manaaral jad private skul et agdala gabay su mansarita ta makapanawet ya dila kuno sa dayalekto mi. aramay balon ina natan et disney o nick su ipababantay dad anak da katon say naantaan da kunoy inggles ta atan su lenggwaheng kailangan ed bilay da. anggapula siguro ed sayan enerasyon su makaaantay na hirayamanari o di nu batibot.

anggano siak, ag ku la narap ya ibangat kod sarilik ya mansalitay dayalekto mi.
say gabay ko nin panaralan et foreign languages.

say ikapannenerbyos ku labat et panunto nu inatey lay panggalatok? nu anggapulay makapansalita? nu anggapulay mangusto ya mansalita?